XORNADA DE CONVIVENCIA 2024

 O domingo 2 de xuño, as familias da AFA A Fracha, fomos ata Baiona a pasar un gran día todos xuntos.

Esta actividade foi financiada en parte pola Deputación de Pontevedra, que veu a desexarnos unha boa xornada antes de arrincar no autobús cara o noso destino.

Durante a xornada:

•  Visitamos a Carabela Pinta, que nos ofrece moita información de como eran as viaxes trasatlánticas fai máis de 500 anos.

• Paseamos polo litoral da vila, contemplando diferentes zonas de paso de aves, moi importantes para a biodiversidade.

•  Chegamos á praia Ladeira, onde xantamos de picnic nun entorno natural moi especial, puidendo refrescarnos na auga do mar, ou baixo a sombra das árbores do parque.

• Xa pola tarde, as mozas de 13 grados, contáronnos cousas moi interesantes sobre a historia da vila de Baiona, e o porqué é importante coidar o noso litoral.

😎 GRAZAS POR VIR E ACOMPAÑARNOS NESTA VIAXE!

OBRADOIRO DE MONICREQUES

Este 23 de abril, "Día Internacional do libro", fixemos unha celebración moi especial.

Os nosos amigos de Trécola, achegáronse ao cole e levaron a cabo un obradoiro moi chulo de monicreques co alumnado de Infantil e de Primaria.

Pasámolo xenial, e cada un levou ao protagonista do seu conto para a casa.

Mirade, que chulada:

TALLER DE ECOPERCUSIÓN

 Que ben o pasamos onte no obradoiro de ECOPERCUSIÓN que trouxeron Eduardo e Didier.

Familias, nenas e nenos aprendemos a facer uns ritmos ben marchosos, utilizando únicamente uns botes de pintura baleiros e unhas baquetas. 

Fainos falta ben pouco para montar unha boa festa.

Grazas por achegarvos e participar con eses disfraces tan animados.

Que viva o Entroido!

VIÑERON OS REIS MAGOS

 Que sorpresa levou o noso alumnado ao chegar ao cole despois das vacacións do Nadal.

As súas maxestades, os Reis Magos de Oriente, axudados pola ANPA A Fracha, deixaron uns agasallos en tódalas aulas de infantil e primaria. 

Así dá gusto voltar ás clases!